历史档案清明梦贴吧
新人練習貼
历史档案 · 保留原帖文字 · 60 条回复
回复
急需調整睡眠時間……
好的，我試試！謝謝指点！
9月15
用褪黑素調整睡眠！
可能是药力关係，所有梦都很迷糊！
3:00睡死了7:30醒太玄快4慢3
很多短梦，其中梦見，中学時期的女神，竟然在我坐位面前親嘴，而且是當時最柒之男，傷人呀！
10:00再回籠太玄仍是碎梦……好似在訓練控制神識……
9月16
3:00睡7:00醒
梦見去咗一個似中東亞國家，四處去街邊買嘢食，唔知點解同當地人發生衝突，搶了槍突圍，躲在水下向上開槍，衝入軍事建築，在一房內打死不少人……換了敵裝離開！開車到街上繼續買嘢食，下大雨，馬路上有路陷，因為織滿水，有人跌咗落去浸親，因為我對整個國家嘅人都有敵意，我冇去幫忙，有人話要搵一塊鋼板返嚟冚住個窿，我話大年初一凌晨，你搵到塊鋼板來，我畀個like你……自己離開，諗住再去殺敵……醒咗！
7:30回籠，練太玄
梦見自己做一個playground管理之類的工作，踩單車上下班，但係單車兩度被偷，只有更同事跑步回家，途中跟同事坐在路邊談人生……
9月17
12:00梦见做车之运输，连续撞车，去取一部平治……竟用鉄键拖出来，似拖狗！完全不受控，出仓路上，撞上装甲、坦克、货柜车，全车解体仍然不停，最后飞下海中，破产惊醒！
2:40练太玄快4慢2
4:00在大陆收工，回到罗湖才记得，忘了拿随身背包，身上什麼都没有……
5:10记不起……
7:00作死，噩梦连场！停车场取车赶去手术，行到半路记起没带东西，车停路边跑回停车场取，回到停车场怎可能有车在？**！又跑回路边找车，连路都找不到了……
练习了一个月，才可怜的只有一次清明！是否什麼地方做错了？
9月18
12:00吃了1.5mg褪黑
梦見感覺係舒淇，做咗我老婆，同時佢亦都係一個妓女，在葵涌一個樂園裏面開工，我竟然去佢工作嘅地方幫襯，仲覺得好新鮮好刺激，地方好簡陋，只有一個床位，用布簾遮住，完事一齊離開，食咗幾杯雪糕，坐小巴經過樂園出九龍……
3:00練太玄4快3慢聽腦波音樂失眠！！！07:00再睡着
梦見，做運輸工作，工作量超大，不合理，聯合幾個同事，準備反抗！09:15
真有些氣餒，這些普通夢都不太想記……
褪黑素是由松果体分泌的睡眠激素，平常在飲食中也能吸收，詳情可百度搜一下！人，隨着年齡增長，褪黑素分泌減少，所以越年長的人，睡得越少！坊間所提煉嘅褪黑素，已可替代安眠藥！
我練太玄是失眠……成功入梦率還很低……
好的，受教了！謝謝！
用了你的方法练习太玄，已沒有失眠了，謝謝！可惜仍沒有效果……
9月19
11:30睡前吃3mg褪黑助入睡壓rem
有梦，很迷糊！
似是关於育兒手術，因医生與病人的生命和呼吸連接，病人的父親很擔心，前來煩躁被教訓！
跟家人天天去一閒很火爆的大排檔食早餐
4:15鬧鐘响起床梦記，練太玄，兩茶匙葡萄糖
5:30又唔知點解身無分文,入到一間茶餐廳,畀人捉住話,兩日前飲咗一盅湯無比錢,想同佢哋理論，諗諗下又好似真有其事，其中有個女仔侍應，幫我畀咗錢先，然後跟我返去攞錢，我打電話畀阿媽話畀佢聽我好慘，佢話我知佢唔喺香港，行到彌敦道，見到一部綠色好舊款benz，車上見到好後生嘅洪金寶，佢落咗車，個樣慢慢變咗做週潤發，大家圍觀，以為佢會打到功夫，點知佢唱歌，我同個女仔就冇理佢，過馬路！回頭再睇，見到一部好高大嘅表演花車駛過嚟，洪金寶跳上車爬到最高！
我自問點解咁奇怪，個女仔話:唔奇呀應該係電影公司拍戲，我話:奇在點解佢可以變得咁後生……之後仍然有夢，但係模糊記唔起！7:15
9月20
11:00上床
睡得很差……梦中闖入妖怪都市，人可能係妖怪，物件可能係妖怪，遊戲都可能係妖怪，感覺好無安全感，地點似喺旺角，學畫地圖，玩電視遊戲，走入一間商場，賭垃圾物件，有個女仔同我一樣走唔出去,佢係個教徒,用祈禱避開怪物,後來佢行得快入咗電梯,我坐第二部電梯追，點睇都係怪物，走入一個死胡同，比樹鬚根纏住，心知被拉到黐住支樹幹就死梗，醒左！4:10
起身，洗臉，記梦，練太玄
這算什麼？夢見自己，在夢中假知夢了，還帶朋友和乾女兒游夢境，夢境好簡單只係一個仙境式花园，很快就醒了……
9月21
11:00重複2003年，有車時，回鄉探親夢，車變成今日嘅車，當年嘅路線當年既人，見返舊同事franky，年輕時嘅老婆和外父……3:00起床去廁所記梦練太玄快4慢2
零碎梦……香港仔排大隊坐巴士彌敦道揀站落車街邊有女仔寫書法返到公司有床瞓同秘書一齊出車私家車無軚盤……
9月23
3:00睡梦見自己在一個無人大屋村，變成了一隻暴力獸，漫無目的，無思想地四處遊蕩咆哮,還会吃鬼趕鬼控鳥，見到一個病重小女孩，想救她，竟是食她肉洗血重組……8:00醒
9月28
調整左幾日，終於迎來第二次清明夢，瞓到三點半，起身十分鐘，太玄兩組瞓著咗，模模糊糊醒左再練兩組！
梦見深水埗，巴士上睡，老婆落車，車無人駕駛，我馬上搶軚，之後落車，跟一班同事要去春園街，經過一條街，見到好多妓女瞓喺地下，全部裸體，行到一個十字路口，過馬路突然，覺得自己會飛向前跑幾步，跳起！果然能飛，知夢，但頭腦唔太清，回頭搵班同事已經見唔到，四圍觀察，從40年代到70年代，周圍嘅建築好奇怪，啲大廈嘅設計，每過幾間就會重複，睇路牌街名全未見過，單個(京)字，捉個路人問佢春園街喺邊，佢唔知，繼續四圍飛，突然畀支鳴喺後面拉住頂帽條繩，我叫佢放手覺得好黑人憎，見到間金聲戲院，仲舊過油麻地戲院，戲院外面有幅插畫，上面係古裝嘅鄭少秋，行上條行人天橋，人好多，發現有人偷銀包，捉住佢，一個過肩摔，佢起唔番身，原來係阿松，唔理佢，想飛去美孚，望上天係陰天多雲，長沙灣道向外望竟然一片農田，其中有一座醫院，旁邊有個星球大戰主題樂園……之後唔知點樣醒左！
10月7
笫三次清明梦
早上五點，鬧鐘響，起來去廁所，喝點水，练四組太玄！
夢見自己跟一班朋友，到海邊看風景，突然前方海上，有一個十米大浪打過嚟，我們轉身走，身後竟然又有一個大浪，我唯有站著深呼吸，打算拼命掙扎，不過發現在水中竟然能呼吸，知夢了！睇見水裏面有一啲小鯊魚，我拿著一支竹竿跟牠們搏鬥，殺了4條！水慢慢褪去，我正想去搵我嘅朋友就醒了！夢很短，最多只有一分鐘……
10月9
笫四次清明梦
睡了五小時，冇醒，冇練太玄！
夢見自己喺愛民商場，偷咗一個神棍的法器，出商場後發現，唔係愛民邨，即時驗夢原地起飛，周圍有好多攤檔，似年宵，見到個女仔，想拉佢一齊飛，點知拉唔起，佢同我講，我拉住佢，就即係鈡意佢……俾佢帶左去坐高鉄，我話冇車票，佢竟然拿出同班号的飛機票，跟路人換車票……突然醒了！
感覺梦時一至兩分鈡！
10月21
0530開車入咗去工廠區，求其停喺路邊，上樓唔夠半個鐘，落嚟發現架車俾警察拖咗，即場問個女警去邊度攞番架車，佢畀張表我填，要寫學歷，地址，個人資料，出生日期，我竟然填咗一間有名大學，出生日期填咗97年1月4號，食飯時間，要等到下晝四點才能取車，掛欄桿上面瞓一陣，見到個bb女冇人理，我走去鬧佢屋企人，發現認錯人，原來係萬曉華，攞番部車變咗林寶堅尼，又要搵位停……
10月22
梦見大陸某村，公共浴室沖涼，連續幾次跌銀包，三次自己執番，第四次清潔工執到，街口轉角按摩場，跟30歲女技師一齊坐巴士，俾公安盯上，去捧場按摩，按完另一個技師攞毛巾要收廿蚊，擁抱佢，覺得佢係苗女，屁股藏啤牌，俾人話換牌……同朋友去咗間茶餐廳，見到beyond，家驅攞住結他即場作曲……
是啊！現實已沒什麼好玩的啦……
10月26
第五次清明夢
睡前並冇練功，知夢前，有一段長嘅普通梦，樓梯口等朋友，等唔到自己離開，去到中環附近，路旁有一間(髮廊)，係附近睇嚟囡囡，當我想埋去啲囡囡冇曬，突然記起我要去補習，心裏面好唔忿氣，突然諗起我要試下飛，第一次跳飛唔到，再睇下個環境，似夢境，再跳，終於能飛知夢，想從口袋裏攞出夢神丹，失敗，係路上見到個舊同事，叫埋佢一齊玩，到海邊睇嗰啲奇形怪狀嘅船，海面有一條大怪魚，我跳到水面上行，再經過髮廊冇囡囡，只有一個黑社會呀婆，佢叫我走開，否則搵人打我，我企喺海面同佢講，有種就過嚟打我，佢真係行過嚟，跌咗落海，見佢掙扎咗一陣，沉咗落去，好心想去救佢，拉到佢手先知中計，佢想拉我落水，根本冇辦法同我打，突然醒咗，知夢嘅時間最多一兩分鈡……